Ачыктыk • Жеткиликтүүлүк • Мыйзамдуулук

Төрөбай Кулатов айыл аймагынын айыл өкмөтүнүн расмий маалыматтык платформасы

Бул расмий сайт аркылуу Т. Кулатов айыл аймагынын ишмердүүлүгү, кабыл алынган чечимдер, өнүктүрүү багыттары, жергиликтүү маанидеги жаңылыктар, муниципалдык кызматтар жана жарандар үчүн маанилүү расмий маалыматтар үзгүлтүксүз жарыяланып турат.

Расмий маалымат

Жарандар үчүн тез жеткиликтүү бөлүмдөр

Негизги кызматтар, кайрылуу формалары, документтер жана пайдалуу шилтемелер ыңгайлуу жайгаштырылып, компьютерден да, мобилдик түзмөктөн да оңой ачылат.

Кайрылуу жөнөтүү →

Расмий

Айыл өкмөттүн текшерилген жана актуалдуу маалыматтары

Ыңгайлуу

Жарандар үчүн негизги бөлүмдөр жөнөкөй түзүмдө

Төрөбай Кулатов айыл аймагынын айыл өкмөт башчысы

Эшимбаев Абсатар Көчкөнбаевич

Ишеним телефону:
0552201983

E-mail: info@kulatov.gov.kg

Расмий каттар жана кайрылуулар үчүн

Жооптуу адам: Эшанкулов Мунарбек Иманалиевич

Т.Кулатов айыл аймагынын айыл өкмөтүнүн жооптуу катчысы

Расмий маалымат

Жаңылыктар

Айыл аймагында болуп жаткан акыркы окуялар, жолугушуулар, социалдык жана инфраструктуралык иштер боюнча материалдар.

Бардык жаңылыктар →

Т.Кулатов айыл аймагынын маданият кызматкерлери жана шайыр апалар VI Дүйнөлүк көчмөндөр оюндарына катышышты

Кыргыз маданиятынын өзгөчөлүгүн даңазалаган өнөрпоздор Т. Кулатов айыл аймагынын Жолдош Амираев атындагы маданият үйүнүн маданият кызматкерлери жана Абшыр-Ата айымдары шайыр апалар IV Дүйнөлүк көчмөндөр оюндарына карата уюштурулган иш-чараларга активдүү катышышты. Өкмөт тарабынан берилген улуттук формаларда кыргыз элинин өзгөчөлүгү, улуттук колорити өзгөчө чагылдырылды. Кийимдерде кыргыздын улуттук оймо-чиймелери жана түстөрү айкалыштырылып, элибиздин бай маданий мурасын даңазалаган өзгөчө көркөм образ жаратылды. 2-сентябрда Ош облусунун маданият кызматкерлери жана Ош шаарындагы Рыспай Абдыкадыров атындагы филармониянын чыгармачыл жамааты тарабынан концерттик программа тартууланды. Иш-чаранын жүрүшүндө Ош облусунан барган маданият кызматкерлери жана шайыр апалар, өнөрпоздор өздөрүнүн улуттук кийимдери жана концерттик программалары менен өзгөчөлөнүп, көрүүчүлөрдүн купулуна толду. Ысык-Көл облусундагы Кырчын жайлоосунда өткөн иш-чарада кыргыз элинин улуттук баалуулуктары, каада-салты жана маданияты кеңири чагылдырылды. Маданият кызматкерлери 25-августта Кырчын жайлоосуна жол тартып, боз үй тигүү, кол өнөрчүлүк буюмдарын даярдоо, улуттук өнөрлөрдү тартуулоо жана кыргыздын улуттук нандарын жасоо боюнча өз өнөрлөрүн көрсөтүштү. Мындай иш-чаралар кыргыз элинин улуттук маданиятын, каада-салтын жана өнөрүн кеңири жайылтууга, жаш муундарга жеткирүүгө жана дүйнөгө таанытууга чоң өбөлгө түзөт.

Кененирээк окуу →

Маданий иш-чаралар

Т.Кулатов айыл аймагында Кыргыз Республикасынын Эгемендүүлүк күнүнө карата спорттук мелдештерди өткөрүү

31/08/2026

31-август — Кыргыз Республикасынын Эгемендүүлүк күнүнө карата Ош облусунун Ноокат районуна караштуу Кулатов айыл аймагында жергиликтүү тургундар арасында спорттук мелдештер уюштурулду. Иш-чаранын алкагында футбол жана волейбол боюнча мелдештер өткөрүлүп, ага айыл аймагынын жаштары жана тургундары активдүү катышты. Мелдештерди уюштурууга Кулатов айыл өкмөтү тарабынан каржылык колдоо көрсөтүлүп, тиешелүү акча каражаты бөлүнүп берилди. Спорттук иш-чаранын негизги максаты — айыл тургундарынын арасында достукту, ынтымакты жана биримдикти бекемдөө, сергек жашоо образын жайылтуу, ошондой эле жаштарды спортко тартуу. Мелдештин жүрүшүндө катышуучулар өздөрүнүн спорттук чеберчилигин көрсөтүп, командалык оюн аркылуу ынтымакты жана биримдикти даңазалашты. Мындай иш-чаралар айыл аймагындагы коомдук ынтымакты бекемдөөгө, жаштардын бош убактысын пайдалуу өткөрүүсүнө жана спортту өнүктүрүүгө өбөлгө түзөт.

Кененирээк окуу →

Маданий иш-чаралар

Кыргыз Республикасынын Эгемендүүлүгүнүн 35 жылдыгын белгилөөгө Ноокат районунун мамлекеттик администрациясынын башчысы-аким Керимкулов Нурланбек Бейшенбековичтин тапшырмасы менен Т.Кулатов айыл аймагынын санитардык абалын жакшыртууга байланыштуу 2026-жылдын 29-августунда айыл аймагында жалпы ишембилик өткөрүлдү. Ишембиликтин жүрүшүндө айыл аймагында чоң жолдун жээктери, арыктар, спорт аянттары, мекеме ишканалардын айланалары тазаланып, тиричилик калдыктары чогултулуп, таштандылар тазаланып чыгарылды. Ишембиликке активдүү катышкан аппарат кызматкерлери, маданият жана спорт боюнча кызматкери, мекеме ишканалардын кызматкерлерине терең ыраазычылык билдиребиз. Таза айыл аймагыбыз — жалпыбыздын жоопкерчилигибиз! Т.Кулатов айыл аймагынын айыл өкмөтүнүн башчысы Эшимбаев Абсатар Көчкөнбаевич!

Кененирээк окуу →

Маанилүү бөлүмдөр

Жарыялар, документтер жана вакансиялар

Конкурстар, ижарага берүү, жана доолборлор ушул бөлүмдө жайгаштырылат.

Кулактандыруу

03/06/2026

Урматтуу дыйкан-фермерлер!

Кыргыз Республикасынын Суу ресурстары, айыл чарба жана кайра иштетүү өнөр жайы министрлигинин 2026-жылдын 13-майындагы №05/2-17/117 буйругуна ылайык, мамлекет тарабынан тамчылатып жана жамгырлатып суугаруу системаларын орнотууга жылдык 2% жеңилдетилген насыялар берилүүдө.

Толук маалымат →

Документтер

23/06/2026

Т. Кулатов айыл аймагынын айылдык кеңешинин (VIII чакырылышы) кезектеги 19-сессиясынын токтомдору

Т.Кулатов айыл аймагынын айылдык кеңешинин (VIII чакырылышы) кезектеги 19-сессиясынын №1-2 токтомдору

Ваканcиялар

Аппарат

Төрөбай Кулатов айыл өкмөтүкадрлар резервине конкурс жарыялайт

Улук административдик муниципалдык кызмат орундары үчүн: жогорку билим; мамлекеттик жана/же муниципалдык кызматта 1 жылдан кем эмес иш стажы же тиешелүү кесиптик багыт боюнча 3 жылдан кем эмес иш тажрыйбасы. Негизги административдик муниципалдык кызмат орундары үчүн: жогорку билим; Мамлекеттик жана/же муниципалдык кызматта жалпы 1 жылдан кем эмес иш стажы же тиешелүү кесиптик багыт боюнча 3 жылдан кем эмес иш тажрыйбасы, же тиешелүү кесиптик чөйрөдө 5 жылдан кем эмес иш тажрыйба

Дедлайн: 06/10/2025